Татарстанда бүген +33 градус эсселек һәм урыны белән яңгырлар көтелә
Бүген, 20 майда, синоптиклар алмашынучан болытлы һава торышы вәгъдә итә.
Төнлә республика буенча явым-төшемнәр булмас дип фаразлана. Көндез һәм кичен кайбер урыннарда күк күкрәп, кыска вакытлы яңгыр, хәтта боз явуы ихтимал.
Җил төньяк-көнчыгыш юнәлештән: төнлә 2–7 м/с тизлектә исәчәк, көндез 5–10 м/с, урыны белән 14 м/с ка кадәр көчәергә мөмкин. Күк күкрәгән вакытта җилнең тизлеге 15–20 м/с җитүе ихтимал.
Һава температурасы төнлә +10..+15°, көнбатыш районнарда урыны белән +19° ка кадәр күтәрелә. Көндез исә һава +28..+33° градуска кадәр җылыначак, дип хәбәр итә ТР Гидрометеорология һәм әйләнә-тирә мохитне күзәтү идарәсе белгечләре.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев