Таләпләрне үтәмәсәң, иректән мәхрүм итәләр

Җәзаларны үтәтү инспекциясенең район филиалында июнь башына 127 кеше исәпкә куелган. Аларның 95е шартлы рәвештә хөкем ителгән.

Билгеләнгән кагыйдәләрне үтәмәгән өчен 3 кеше иректән мәхрүм итү урынына җибәрелгән. Хөкемгә тартылган 22 кешенең сынау сроклары 1дән 3 айга кадәр озынайтылган. Аңа өстәп, табиб-наркологта тикшеренү, эшкә урнашу кебек өстәмә таләпләр куелган.

Хөкем ителгәннәр арасында үзләрен бары тик яхшы яктан гына күрсәтүчеләр дә аз түгел. Район суды карары белән алардан шартлы хөкем алынды. 2016 елның 5 аенда 6 кеше исәптән төшерелде.