Сугыш корбаннары истәлегенә шәм кабыз

22 июньдә Бөек Ватан сугышы башлануга 75 ел була. Бу канкойгыч сугыш миллионлаган корбаннар бәрабәренә яуланды, якыннарыңны югалту хәсрәте һәр гаиләгә кагылды. Сугыш башлану көне фаҗигасенә багышлап «Хәтер шәме» дип аталучы акция уздырыла. Аны «БЕРДӘМ РОССИЯ» сәяси фиркасе үткәрә. Акцияне оештыручылар 21еннән 22 июньгә каршы төндә, сугыш корбаннарын искә алу максатыннан, өйләрдә шәмнәр кабызырга чакыра. Һәйкәлләргә чәчәкләр салачаклар. Атналык киңәшмәдә район башлыгы Васил Хаҗиев барлык райондашларны әлеге чарада катнашырга чакырды. Әлеге акция киләсе елларда да күркәм гадәткә әверелергә тиеш.