Шилнәбаш авыл җирлегендә зират өмәләре үтте

Шилнәбаш авыл җирлегенә караган Тогаево һәм Шилнәбаш авылларында зират өмәләре үтте. Әлеге игелекле чарага яше-карты үзләренең эш кораллары белән җыелып килде.

Шилнәбаш авылының православие зиратында үткән өмәгә 18дән артык, мөселман зиратына 14 кеше килде, Тогаево зиратында 30дан артык кеше төрле эштә катнашты. Өмә барышында зират территориясен төрле чүп-чардан арындырдык, тәртип ясадык, печәнен чабып алдык. Әйтергә кирәк: мондый өмәләр авыл җирлегендә беренче ел гына үткәрелми, елдан-ел мондый игелекле чараларда кеше күбрәк катнаша. Форсаттан файдаланып, Шилнәбаш авыл җирлеге башлыгы Ольга Гончарова исеменнән барлык авылдашларга рәхмәт әйтәбез. Игелекле гамәлегез үзегезгә икеләтә игелек булып, кире әйләнеп кайтсын, дип хәбәр итә Шилнәбаш авылының ветераннар советы һәм инвалидлар оешмасы рәисе Нурзилә Бариева.