Сарман юлы ремонтка ябыла

Юл төзүчеләр бу эшкә 27 июньнән тотынырга җыена, ремонт 5-6 июльгә кадәр дәвам итәргә мөмкин. Машина йөртүчеләргә вакытлыча уңайсызлыкларга түзәргә кирәк булачак. Дүшәмбе көнне тиешле хезмәтләр катнашында урынга чыгып район башлыгы Васил Хаҗиев үткәргән сөйләшүдә юлны вакытлыча ябып торырга дигән карар кабул ителде. Бу юл төзү буенча технологияләрне үтәү максатыннан эшләнә, ремонттан соң өслек тигез һәм җөйләрсез булырга тиеш. Әмма аграрийларны машиналарның игеннәрне таптап басу өстеннән йөрүләре борчый, меңләгән кош асрала тораган «Чаллы-Бройлер» җәмгыяте объектларына азык китерү мәсьәләсе дә килеп баса. Ремонт вакытына барысына да җайлашырга туры киләчәк, шул вакытка Түбән Суыксу-Борды-Мус. Завод яисә «Татарстан» совхозы поселогы аркылы йөрергә туры киләчәк.