Россия табибларына премия

admin, 14 август 2020 - 17:10

767

Россия табиблары диспансеризация вакытында яман шешне иртә стадияләрдә ачыклаган өчен 1 мең сум күләмендә премия алачак.

Медицина хезмәткәрләре өчен өстәмә түләү диспансеризацияне җиренә җиткереп үткәрү өчен стимул булачак. Чөнки дәвалауның никадәр уңышлы булуы яман шешне иртә стадиядә ачыклаудан тора. Онкология авыруларына каршы көрәш – «Сәламәтлек саклау» илкүләм проектының иң мөһим бурычларыннан берсе. Премия кертү алымы онкологиядән үлем-китем очракларын 100 мең кешегә 185 очракка кадәр киметү күздә тотыла.