Район спортчылары яңа җиңүләр яулый
Казан шәһәренең «Мәскәү» спорт комплексында «Шотокан» Каратэ федерациясенең «Сәламәт яшьләр – сәламәт милләт» исемле ачык турниры үтте. Ярышларда Казан, Чаллы шәһәрләреннән, Тукай, Буа, Яшел Үзән районнарыннан, Киров өлкәсеннән 6 яшьтән 15 яшкәчә 200 спортчы катнашты.
Тукай районыннан җәмгысы 17 спортчы катнашты. Сосновый Бор поселогыннан Даян Яруллин 6-7 яшьлек, 25 килограммга кадәрле көрәшчеләр арасында 1 урынны, шул ук поселоктан Рәмзил Йосыпов 6-7 яшьлек, 20 килограммга кадәрле авырлыкта булган көрәшчеләр арасында 2 урынны яулады. Районыбызның башка яшь спортчылары да үз яшьләрендә һәм авырлыкларында бары тик призлы урыннарны гына алдылар, дип хәбәр итте көрәш федерациясе рәисе Владимир Заикин.
Следите за самым важным и интересным в Telegram-каналеТатмедиа
Нет комментариев