Район башлыгы «Волга-Автодор» эшчәнлеге белән танышты

Эш сәфәре кысаларында Тукай районы башлыгы Камил Нәҗмиев «Волга-Автодор»ҖЧҖнең асфальт-бетон заводында булды. Район территориясендә кыска вакыт эчендә төзелгән завод җирле юллар төзүне һәм ремонтлауны тәэмин итә.

Компаниянең башкарма директоры Руслан Хәкимов район башлыгын асфальт-бетон катнашмасын җитештерү технологиясе, хезмәткәрләрнең хезмәт шартлары белән таныштырды һәм эш урыннары буенча экскурсия үткәрде. Визит барышында юлларны җәйге һәм кышкы чорда карап тоту мәсьәләләре турында фикер алыштылар, шулай ук алда торган эшләргә планнар билгеләнде.

Агымдагы елда «Волга-Автодор» эше нәтиҗәсендә районда юл инфраструктурасы киң колач белән яңартылды, бу халык өчен транспорт мөмкинлеген һәм куркынычсызлыкны арттырды.