Новотроицкое һәм Белоус авылларында Качману бәйрәменә бәке ясыйлар

Христиан динен тотучыларның олы бәйрәме - Качману якынлаша. Ул ел саен 19 гыйнварда бәйрәм ителә. Качману көненә Новотроицкое һәм Белоус авылларында изге суга чуму өчен бәкеләр ясала. Новотроицкое авылында бәке элек күлдә ясалган булса, быел ул ясалма булачак һәм чиркәү кырыенда урнашачак. Чиркәүдә гыйбадәт кылу иртәгә, 19 гыйнвар көнне сәгать 9.30 башлана, иртәнге 11дән алып кичке 7гә хәтле изге суга чуму үткәрелә. Белоус авылында бәкене гадәттәгечә Кама елгасында ясыйлар. Монда изге суга 18 гыйнварның киченнән алып 19 гыйнварның киченә хәтле керергә була.