Левицкийлар гаиләсе «Мәхәббәт һәм тугрылык өчен» медале белән бүләкләнде
Ольга Ивановна - Бөек Ватан сугышы ветераны, Тукай районының Мактаулы гражданы һәм элеккеге концлагерь тоткыны, яшь чагында сугыш авырлыкларын кичергән.
«Гаилә-ныклы җәмгыятьнең нигезе. Татарстанда гаилә традицияләрен аеруча югары бәялиләр һәм саклыйлар», — дип билгеләп үтте Татарстан Республикасы Рәисе Рөстәм Миңнеханов.
Тукай районында Гаилә, мәхәббәт һәм тугрылык көнендә ирле-хатынлы Владимир Иванович һәм Ольга Ивановна Левицкийларга «Мәхәббәт һәм тугрылык өчен» мактаулы медале тапшырдылар. Ольга Ивановна - Бөек Ватан сугышы ветераны, Тукай районының Мактаулы гражданы һәм элеккеге концлагерь тоткыны, яшь чагында сугыш авырлыкларын кичергән.
Алар бергә 60 ел озын юл үткәннәр, өч бала үстергәннәр, ә бүген оныклары, оныкчыклары хөрмәтендә яшиләр. Аларның тормышы - тугрылык, үзара хөрмәт һәм барлык сынауларны җиңеп чыккан чын мәхәббәт үрнәге.
Медальне башкарма комитет җитәкчесе исеменнән Совет Аппараты башлыгы Айрат Габдуллин тапшырды, Левицкийлар гаиләсен әлеге мөһим вакыйга белән котлады.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев