Күпбалалы гаиләдә 9нчы бала тууы теркәлде

Район гражданлык хәлләрен теркәү бүлеге өчен июнь ае уңдырышлы булды. Барлыгы 13 никах рәсмиләштерелгән. Ел башыннан исә - 49 никах. Шуларның 32се тантаналы шартларда уздырылган. 12сендә кияү белән кәләш төрле милләт вәкилләре. 6 никах исә чит ил гражданнары белән рәсмиләштерелгән.

Ел башыннан район гражданлык хәлләрен теркәү бүлегендә 189 бала тууы теркәлгән. 37 нарасый үзенең беренче документын - туу турындагы таныклыкны июнь аенда алган. Шуларның 20се - малай, 17се - кыз.

«Татарстан» совхозы поселогында яшәүче күпбалалы ананың 9нчы сабые дөньяга аваз салды. 20 июнь көнне Владимир исемле кечкенә тукайлының әнисенә туу турындагы таныклык тапшырылды.

Июнь аенда 1 тукайлы исемен алыштырган, ә ел башыннан бу күрсәткеч - 10 кеше.