Контейнер мәйданчыкларында агач-куак калдыкларын калдыру тыела

Татарстанда каты коммуналь калдыклар белән эш итү кагыйдәләренә үзгәрешләр үз көченә керде. Тиешле карарны республика премьер-министры Алексей Песошин имзалады. Яңа нормалар эре габаритлы чүп-чарны чыгаруга таләпләрне катгыйландыра.

Документ нигезендә, халык хәзер эре габаритлы калдыкларны туплау урыннарына кадәр мөстәкыйль рәвештә китерергә тиеш, әгәр төбәк операторы белән килешүдә башкасы каралмаган булса. Контейнер мәйданчыкларында төзелеш чүп-чарын һәм агач һәм куакларны калдыкларын җыю тулысынча тыела. Үзгәрешләр коммуналь калдыклар белән эш итүнең яңа федераль кагыйдәләренә туры килә.