Кечкенә шахматчылар очрашты

Әлеге турнир икенче ел рәттән уза. Ул шахматны популярлаштыру, аларны мәктәпкәчә яшьтәге балаларның интеллектуаль үсеше чараларының берсе буларак куллану мөмкинлекләрен максат итеп куела. Чөнки шахмат - ул балаларга күп шатлык, рәхәтлек китерүче уен гына түгел, ә аларның акыл үсешенең нәтиҗәле чарасы да.

Турнирда районның барлык балалар бакчалары катнашты. Катнашучыларның яше - 5 яшь, барлыгы  -185 бала. Кечкенә спортчыларның барысы да шахмат уйнарга ярата, җиңү яуларга омтыла. Алар интеллектуаль уенга җитди карашы, акыл тизлеге һәм хәрәкәтләрне исәпләү осталыгы белән гаҗәпләндерделәр. Сайлап алу этабы нәтиҗәләре буенча һәр мәктәпкәчә учреждениедән финалда катнашачак бер финалист билгеләнде. Финал 29 мартта Сосновый Бор бистәсенең «Кояшлы» балалар бакчасында узачак.

/ Район мәгариф идарәсе фотосы.