Казанда М-12 трассасын төзүдә катнашкан компания хуҗасын кулга алдылар

Вахитов районы суды М - 12 федераль трассасы участогын төзүдә катнашкан "Волгадорстрой" компаниясе хуҗасы Айрат Миңнуллинны ике айга СИЗОга җибәрде. Бу хакта судның матбугат хезмәтендә хәбәр иттеләр.

«Миңнуллинга карата 6 гыйнварга кадәр сак астына алу рәвешендә чик кую чарасы сайланды», - диелә хәбәрдә. 

Процесста билгеле булганча, җинаять эше РФ Җинаять кодексының 159 маддәсенең 4 өлеше (аеруча зур күләмдә мошенниклык) һәм 4 нче өлешнең ике эпизоды буенча кузгатылган. РФ ҖК 160 маддәсе (аеруча зур күләмдә үзләштерү яки тиешсез җиргә сарыф итү).

Тикшерү версиясе буенча, 2023 елның 3 апреленнән 2025 елның 11 июнендә кадәр «Волгадорстрой» җитәкчеләре арасыннан ачыкланмаган затлар М-12 трассасының Дүртөйле - Ачи участогында «Автодор» белән килешү кысаларында «Инвест Капитал» төзү компаниясенә янәсе башкарылган эшләр өчен аванс түләүләрен күчерү юлы белән 2,4 млрд сум урлаганнар. Моннан тыш, тикшерү фикеренчә, 2023 елның 1 июненнән 2023 елның 2 октябренә кадәр шул ук килешү буенча йөкләмәләрне үтәү кысаларында Милли муллык фондыннан алынган 3,6 млн һәм 2,9 млн сум сарыф ителгән.

Чыганак: https://dzen.ru/tass