«Кадрәкләр килгән безгә...» кичәсенә чакырып калабыз!

Хөрмәтле якташларыбыз! Сезне 18 март көнне 14 сәгатьтә Минзәлә районы мәдәният йортында узачак «Кадрәкләр килгән безгә...» дигән әдәби-музыкаль кичәгә чакырабыз. Программа башында Кадрәк, Җәмәк, Яңа Тәкермән, Иске Мунча, Мортыш, Югары һәм Түбән Юшады авылларының килеп чыгу тарихына кыскача аңлатма каралган. Монда Нәкыйп Гафиятовның чыгышы көтелә. Соңыннан Кадрәк урта мәктәбенең 50 еллык тарихы белән таныштыру булачак. Кадрәк мәктәбен төрле елларда тәмамлаган данлыклы укучыларны хөрмәтләү дә планлаштырылган. Программа кысаларында «Бәрмәнчек» һәм «Карендәшләр» керәшен фольклор ансамбльләре чыгышы да көтелә. Әдәби-музыкаль кичә концерт номерлары, котлаулар, бүләкләүләр белән тоташып барачак.

Кичәне Татарстан Республикасының атказанган мәдәният хезмәткәре, Яр Чаллы шәһәренең «Энергетик» мәдәният йорты директоры Гөлзада Рзаева алып бара. Хөрмәтле якташларыбыз, Сезне бәйрәмдә көтеп калабыз! Керү ирекле.

Кадрәк авыл җирлеге, «Кадрәк» мәдәни-күңел ачу үзәге.