Юллардагы фаҗигаләр: район администрациясе ашыгыч утырыш үткәрә

Сәбәбе - үлем белән тәмамланган юл-транспорт һәлакәтләре сериясе, шуның аркасында район юлларда үлем дәрәҗәсе буенча кайгылы лидерлыкны саклап кала.

Төп доклад белән район дәүләт автоинспекциясе начальнигы полиция майоры Илнар Каюмов чыгыш ясады, ул күптән түгел булган фаҗигале хәлләрне җентекләп тикшерде. Утырыш йомгаклары буенча ашыгыч чаралар комплексы расланды:

Яшьярымлык бала һәлак булган урында кыска вакытка тизлекне фотовидеофиксацияләү камералары һәм кисәтүче юл щитлары урнаштырылачак. Моннан тыш, әлеге участокта даими рәвештә хокук бозуларны теркәүнең күчмә комплексы эшләячәк.

«Мазда» автомобиле йөртүчесе һәлак булган «Татарстан» поселогы янындагы юл-транспорт һәлакәте факты буенча беренчел мәгълүматлар әйтелде: 1985 елгы машина йөртүче 200 км/сәг тизлек белән барган.

Шулай ук, ир-ат  хатын-кыз булган авариядә беренчел мәгълүматлар буенча 39 яшьлек ир-ат идарә иткән автомобиль хәрәкәтнең куркынычсыз тизлеген сайламаган һәм юлдаш юнәлештә хәрәкәт итүче КамАЗ автофургоны белән бәрелешкән.

Башкарма комитет җитәкчесенең төзелеш, архитектура һәм халыкның тормыш-көнкүрешен тәэмин итү буенча урынбасары Динис Вәлиуллин рәислегендә узган утырышта шулай ук Кама поселогы янындагы куркыныч борылыш мәсьәләсе каралды. Бу уңайдан Яр Чаллы шәһәре Башкарма комитетына рәсми хат җибәрү мәсьәләсе карала.

Авыл җирлекләрендә юлларны кышкы карап тоту темасына аерым фикер алыштылар. Динис Вәлиуллин билгеләп үткәнчә, агымдагы сезонда авыл җирлекләре башлыкларына торак пунктлар эчендәге юлларны җыештыру-чистарту йөкләнде.