Җиңү язы

Әнә, Җиңү җыры ишетелә,

Җиңү язы килде җиһанга!

"Үлемсез полк" һәрчак - алгы сафта,

Ярсып тора марш атларга!

Терелделәр алар, Үлемсезләр!!!,

Кем соң әйтер кайтмый калды,-дип.

Җиңүләре кайтты, исемнәре,

Тик үзләре ятып калды бит...

Бер-беренә елмаялар төсле,

Дөнья матурлыгын тоялар!

Ел да бер кешегә күбәйсә дә,

Кайтып бетәр, кайтыр миллионнар!!!

Оныкларның шат елмаюында,

Тоям көчен, илем гайрәтен!

Илебезнең тату, бердәмлеген,

"Үлемсез полк"лар сөйләсен!!!