Дмитрий Нагиев Казанда "Өчпочмак көне” фильмында төшәчәк

Комедия жанрында булачак фильмны татар телендә - рус теленә тәрҗемә белән төшерергә планлаштыралар.

Татарстанның "Өчпочмак көне" фильмы проекты бүген "Время кино" V Бөтенроссия форумы кысаларында тәкъдим ителде. Бу хакта КФУ матбугат үзәге хәбәр итә.

Фильмда кызыклы алымнар күп кулланылачак. Анда Россия кино йолдызлары, аерым алганда, Дмитрий Нагиев төшәчәк. Комедия жанрында булачак фильмны татар телендә - рус теленә тәрҗемә белән төшерергә планлаштыралар.

Фильмның төп герое - биергә яратучы авыл тракторчысы. Аларның ике кызлары бар, хатынының шәһәрдә яшисе килә. Нәтиҗәдә хатыны олы кызы белән шәһәргә күчеп китә.
Күрше районда бөтен илгә танылырлык итеп оештырылган "Өчпочмак көне"ндә тракторчы өчпочмакны иң күп ашаучы буларак җиңеп чыга. Шуннан соң ул хатыныннан кайтуын үтенә.