Чираттагы «Тоннель» 7 июльдә үтә

6 июльдә, пәнҗешәмбе көнне, район ЮХИДИ хезмәткәрләре ТР Эчке эшләр министрлыгының 11-р карары кысаларында Ильбухтино, Кече Шилнә авылларында һәм Яр Чаллы - Водозабор юлында махсус профилактик рейд уздырачаклар. 7 июльдә инспекторлар «Тоннель» операциясе кысаларында Олы Шилнә авылына рейдка чыгачаклар. Алар тизлек режимын сакламаучыларны, куркынычсызлык каешын такмаучыларны, иминият полисыннан башка йөрүчеләрне, эчкән килеш руль артына утыручыларны һәм юл йөрүнең башка кагыйдәләрен ачыклауга әлеге чара вакытында аеруча игътибар бирәчәкләр.