Быелгы җәй нинди булачак?

admin, 27 апрель 2020 - 13:13

1051

Аның рекордлы еллар исемлегенә керү ихтималлыгы 99 процент, ди галимнәр.

2020 елның җәе — иң эссе еллар бишлегенә керергә мөмкин дип фаразлана. Бу хакта Русия Гидрометеорология үзәгенең фәнни җитәкчесе Роман Вильфанд сүзләренә сылтама белән “РИА Новости” хәбәр итә.

"Климатологлар раславынча, һәр бишенче ел рекордлы килә. Уртача температура бишьеллык саен артканнан арта бара. Инде биш ел рәттән температура күтәрелә. Бу глобаль җылынуга һәм атмосферада “парник” газларының тотрыклы артуына бәйле", — дигән галим.

Вильфанд ассызыклавынча, сүз һаваның җир өслегеннән ике метр биеклектә үлчәнә торган температурасы турында бара. Аның сүзләренә караганда, 2020 елның иң эссе еллар бишлегенә керү ихтималы 99 процент тәшкил итә.

Кызыл Таң Юлия Төхбәтуллина