Бүген ләкләкләрне күзәтергә кирәк – Тукай районында һава торышы

Бүген, 7 август көнне, Тукай районында кояшлы. Тик аяз күк йөзе озак тормас, төштән соң инде болытлар пәйда булыр һәм кичкә кадәр дәвам итәр, дип фаразлый sinoptik.com сайты. Явым-төшем көтелми. Көндез һава температурасы 24 градус җылы, төнлә +12 градус. Иртәгә иртән яңгыр явуы ихтимал, ә чәршәбе белән пәнҗешәмбе явым-төшемсез булырга охшаган.

Халык календаре буенча бүген төшкә кадәр нинди булса, кышын декабрьгә кадәр шундый булачак, төштән соң нинди һава торышы булса, декабрьдән соң шундый булачак.

Шулай ук ләкләкләрне дә күзәтергә кирәк. Спаска, 14 августка кадәр бер атна кала ләкләкләр көзге очышка әзерләнә башласа, кыш иртә киләчәк һәм суык булачак, ә яз - җылы булыр.