Бәтке авылы янында көймә белән елгага кергән биш кешенең икесе һаман да табылмый

Дүшәмбе көнне кич белән Кама елгасының Бәтке авылы янындагы урынында биш кешенең икесен коткаручылар бүген көне буе эзләде. Алар 14 км акваторияне әйләнде, Алабуга шәһәренә кадәр җиттеләр. Ләкин югалган ир-атларның берсенең курткасын гына таба алдылар, эзләү дәвам итәчәк, дип белдерде "Якты юл" газетасына Кече суднолар белән эшләүче дәүләт инспекциясе дәүләт инспекторы Зиннур Мостафин.

Искә төшерәбез: көймәдә 24тән 42 яшькә кадәрге дүрт ир-ат һәм бер хатын-кыз була. Кичке сәгать 6ларда ярдан якынча 100 метрлап эчтә аларның көймәләре әйләнеп каплана. Аларның өчесен Бәткедә яшәүче ир-ат коткара.