«Балкыш» лагеренда 75 бала ял итте

7 көн дәвамында безнең район егетләре үз талантлары белән таныштырдылар һәм лагерь тормышында актив катнаштылар. Алар өчен корпус белән танышу өчен квест, Яңа ел шәмнәре ясау буенча мастер-класс оештырылды. Шулай ук биредә лагерьда тәрбияләнүчеләргә иң изге теләкләр конкурсы, караоке, «Форт Боярд» чарасы, укучыларның харизматик һәм театр сәләте буенча конкурслар үткәрелде. Физкультура - спорт үсеше турында да онытмадылар – волейбол буенча «Балкыш» лагере беренчелеген уздырдылар. Лагерьга Кар Кызы белән Кыш бабай да килеп, барысына бераз Тылсым бүләк иттеләр. 2023 елның беренче сменасы 8 гыйнварга кадәр дәвам итте.