Авыл җирлекләре арасында спартакиада башлана

Яңа ел башыннан район территориясендә авыл җирлекләре арасында I спартакиада башлана.

Аның кысаларында 2017 ел дәвамында спортның 10 төре - алкалы хоккей, чаңгы узышлары, шахмат һәм шашка, пневматик автоматтан ату, бадминтон, волейбол, баскетбол, мини-футбол, футбол, өстәл теннисы буенча ярышлар үткәрү күздә тотыла. Спартакиадада авыл җирлекләренең җыелма командалары катнашачак. Команда составына керергә теләүчеләрнең районда ким дигәндә бер ел элек теркәлгән, 17 яшен тутырган булуы шарт. Спартакиада төрләрендә I-III урыннарны алган командаларга дипломнар, медальләр, кубоклар һәм бүләк сертификатлары бирелә, дип хәбәр итә район яшьләр эшләре, спорт һәм туризм бүлеге.