Ашлык продуктлары комбинатында тиздән яңа киптергечләр сафка керә

Тиздән ашлык продуктлары комбинатында ике яңа киптергеч сафка басарга тиеш. Хәзер биредә газ җиһазларын монтажлау эшләре бара. Киптергечләрнең һәрберсе бер сәгатьтә 30 тонна ашлык киптерү куәтенә ия, дип хәбәр итте комбинатның баш инженеры Р. Габдрахманов. Бүгенге көндә комбинат тирә-күрше районнардан көненә 2 мең тоннадан артык ашлык кабул итә, яңа киптергечләр куелгач бу күрсәткеч тагын да артыр дип көтелә. Ашлык продуктлары комбинатына район хуҗалыкларыннан 10 мең тонна бөртек тапшырылган. Бу - "Тукай азык-төлек корпорациясе", "Биклән", "Камская Нива" хуҗалыкларыннан килгән ашлык.