12 декабрь – Конституция көнендә район хакимиятендә халыкны кабул итәләр

РФ Президенты боерыгы нигезендә, 12 декабрь - Россия Федерациясе Конституциясе көнендә 12.00-20.00 сәгатьләрдә дәүләт хакимияте һәм җирле үзидарә органнарында гражданнарны гомумроссия кабул итү көне уздырыла.

Район хакимиятендә дә (Яр Чаллы шәһәре, Муса Җәлил проспекты, 46нчы йорт, 116нчы кабинет) кабул итү үткәрелә. Тукайлылар ул көнне җитәкчелеккә мәгариф, сәламәтлек саклау, мәдәният, җир турындагы законнар, торак-коммуналь хуҗалык, транспорт һәм элемтә тармакларына кагылышлы сорауларын бирә алалар.

70-37-82 телефоны аша алдан язылырга була.