Туган җирнең батыр уллары

Новотроицкийда очрашу

Ике авылдаш солдат, ялга кайткач, Новотроицкий мәктәбенең өлкән сыйныф укучылары белән очрашуга килде. Балалар Ватанны саклаучыларны шигырьләр белән сәламләделәр, аннары аларның хәрби хезмәте турындагы хи кәя ләрен игътибар бе лән тыңладылар.

Балалар үзләре дә сораулар бир деләр, укучыларны хезмәт шартлары, солдат ларның көнкүреше кызыксындырды. Хәрби хезмәткәрләр белән очрашуга Суровка һәм Новотроицкое авылларының ТОС рәисләре Резеда Шмелева һәм Людмила Строкина, авыл җирлегенең элеккеге җитәкчесе Римма Волкова да килде, алар махсус операция зонасына гуманитар йөкләр әзерләүдә һәм җибәрүдә зур волонтерлык ярдәме күрсәтүдә башлап йөрүчеләр.

Мобили за ция лән гәннәр якташларына даими кайгыртулары, җылы хатлары өчен рәх мәт белдерделәр, туган җирдән посылкалар һәм хатлар алу бик кү ңелле, сезнең ярдәм солдатларның хәрби рухын күтәрә, дип билгеләп үттеләр.

- Очрашу бик күңелле үтте. Без үзебезнең егетләребез белән горурланабыз, алар Ватан чакыруы буенча киттеләр. Үзебезнең солдатларны өйдә җиңү белән көтәбез, - ди Новотроицкий авыл җирлеге башлыгы Дамира Габделхөева.

Комсомолец халкы җылы каршы алды

Махсус операциядә катнашучы егет белән очрашу мәдәният йорты китапханәсендә узды. Авылдашын күрергә, солдат белән сөйләшергә якташлары, дуслары килде.

- Кунак белән сөйләшү бер чынаяк чәй артында үтте. Безнең батыр якташыбыз хезмәт турында сөйләде. Ул авылдашларына һәм районның барлык халкына даими ярдәмнәре өчен рәхмәт белдерде. Махсус хәрби операция зонасына җибәрелгән һәрнәрсә кирәкле. Окоп шәмнәре дә, маскировка челтәрләре дә, хатын – кызларыбызның игелекле куллары белән әзерләнгән өй токмачлары да, балаларыбызның рәсемнәре һәм открыткалары да сугышчыларның җаннарын һәм йөрәкләрен җылыта, дошманны тизрәк җиңүгә ышаныч уята, - дип хәбәр итте Комсомол авыл җирлеге башкарма комитеты җитәкчесе урынбасары Ирина Белова.

Җирле хакимияттә билгеләп үтелгәнчә, хәзерге вакытта махсус операция зонасында Комсомол поселогыннан 16 ир-ат хезмәт итә. Тукай районы һәм җирлек җитәкчелеге мобилизацияләнгәннәрнең гаиләләренә игътибар һәм кайгырту күрсәтә.

Теләнче-Тамак уллары

Теләнче-Тамак торак пунктыннан узган елның сентябрь-октябрь айларында 14 кеше махсус операция зонасына китте. Шушы көннәрдә кыска вакытлы ялга 5 хәрби кайтты. Алар авылдашлары белән клубта очраштылар, аларны борчыган сорауларга җавап бирделәр, хәрби хезмәт турында сөйләделәр. Теләнче-Тамак клубы сәхнәсеннән якташларына багышланган шигырьләр һәм җырлар яңгырады. Җыелганнарның күңел кылларына Останково авылыннан Никита Калузаев башкаруындагы патриотик җырларга кагылды.

Ике улын хәрби хезмәткә озаткан Равил Мөхәммәдиев үз фикерләре белән уртаклашты, уллары белән горурлануын, аларга җиңү белән тизрәк кайтуларын теләде.

Җирле мәдәният йорты режиссеры, волонтер Раилә Закирова шушы көннәрдә Казаклар авылыннан да мобилизацияләнгән һәм ялга кайтканын якташлар турында хәбәр итте. Ул спорт залында җыелган яшьләр белән сөйләште, сәламәт яшәү рәвеше, физкультура һәм спорт белән шөгыльләнү хезмәткә әзерләнүдә бик мөһим, дип билгеләп үтте.

- Безнең җирлектәге ир -егетләр үз гражданлык бурычларын намус белән үтиләр, без моның белән горурланабыз, - дип ассызыклады авыл җирлеге башлыгы Рамил Нәҗметдинов.