«Балкыш» лагеренда җәйге сезон ачылды
Ямьле җәйге каникуллар башлану белән Тукай районының «Балкыш» балалар лагере үз ишекләрен ачты. Биредә «Беренчеләр вакыты» («Время Первых») дип аталган беренче смена тантаналы рәвештә старт алды. Район җитәкчелеге укучыларны каникуллар башлану һәм лагерь ачылу белән котлады.
Мавыктыргыч ял сезоны башлану уңаеннан лагерь территориясендә тантаналы линейка узды. Бирегә җыелган балаларны Тукай районы башлыгы Камил Нәҗмиев исеменнән район Башкарма комитеты җитәкчесенең социаль мәсьәләләр буенча урынбасары Айсылу Галиуллина җылы котлады.
Ул укучыларга җәй айларының якты, имин һәм онытылмаслык булып үтүен, яңа дуслар табуларын һәм кызыклы ачышлар ясауларын теләп калды. Алда балаларны спорт, иҗат һәм лидерлык проектларына бай булган онытылмаслык смена көтә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев