Visa һәм Mastercard карталарын Россиядә куллану туктатылырга мөмкин
Visa һәм Mastercard карталары 2027 ел ахырына кадәр Россиядә әйләнештән тулысынча чыгарга мөмкин. Бу хакта РИА Новостига Дәүләт Думасының финанс базары комитеты рәисе Анатолий Аксаков белдергән.
Аксаков сүзләренчә, россиялеләр башка түләү инструментларына күчә башлаган инде. Ул шулай ук карталарның куркынычсызлыгына игътибар иткән. Visa һәм Mastercard карталарында кулланылган куркынычсызлык сертификатларының искерүе аларны файдаланучылар өчен өстәмә куркыныч тудыра.
Милли түләү системасы (НСПК) үз сервисларын Россия сертификатларына күчерә. Шул сәбәпле Visa һәм Mastercard белән интернетта түләгәндә кыенлыклар килеп чыгарга мөмкин. «Мир» карталарының эшендә исә үзгәрешләр булмаячак. Visa һәм Mastercard 2022 елда Россия базарыннан китте, әмма моңа кадәр чыгарылган карталар ил эчендә әле дә кулланыла.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев