Татарстанда хезмәт хаклары 200 мең сумга кадәр үсәргә мөмкин
Татарстан Россия төбәкләре арасында хезмәт хаклары тиз үсә торган өчлеккә керергә мөмкин. Хәзерге үсеш темплары сакланса, якынча 6 елдан соң республикада эшләүчеләрнең яртысы ай саен 200 мең сумнан артык хезмәт хакы ала башлаячак. Бу мәгълүматны РИА Новости экспертлары китерә, дип хәбәр итә Татар-Информ.
Аналитиклар фаразлавынча, Республикада хезмәткәрләрнең дүрттән бер өлеше 3,8 елдан соң ук ай саен 200 мең сумнан артык ала башлаячак, ә дүрттән өчесе — 8,5 елдан соң.
Иң тиз үсеш көтелгән төбәкләр — Ямало-Ненец һәм Чукотка округлары. Анда хезмәт хакларының югары булуы нефть һәм газ тармагы белән бәйле. Шулай ук Магадан өлкәсе һәм Ханты-Манси округы да алдынгы урыннарда.
Экспертлар әйтүенчә, Татарстанда керемнәрнең тиз артуы соңгы елларда икътисад үсеше белән бәйле.
Россиянең башка төбәкләрендә дә үсеш көтелә, ләкин ул акрынрак барачак. Ә кайбер көньяк төбәкләрдә хезмәт хакларының 200 мең сумга җитүе өчен шактый күбрәк вакыт кирәк булырга мөмкин.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев