Татарстанда ничә бала туарга тиешлеге билгеләнде

Татарстанда 2023–2030 елларга бала табучылар санын арттыру буенча төбәк программасын яңарту әзерләнә. Хәзер документ коррупциягә каршы тикшерү уза.

Төп максат — балалар санын арттыру — үзгәрешсез кала. Мәсәлән, 2026 елда республикада кимендә 33 640 бала тууы, ә 2030 елга бу сан 34 441дән ким булмавы планлаштырыла.

Шул ук вакытта өстәмә күрсәткечләр тагын да төгәлрәк итеп билгеләнә. Гаиләдә өченче һәм аннан соңгы балаларның тууын арттыру төп юнәлешләрнең берсе итеп куела.

Аерым игътибар абортлар санын киметүгә бирелә. Репродуктив яшьтәге 1000 хатын-кызга туры килгән абортлар саны 2025 ел дәрәҗәсеннән — 7,7 очрактан артмаска тиеш. Моннан тыш, 100 бала табуга туры килгән абортлар күрсәткече 21,7дән югары булмаска тиеш.

Шулай итеп, аборттан баш тарту өлеше 2026–2030 елларда кимендә 40% булырга тиеш, ә педиатрлар, неонатологлар һәм акушер-гинекологлар белән тәэмин ителеш тотрыклы дәрәҗәдә сакланырга тиеш.

Моннан тыш, кайбер чыгымнар һәм юнәлешләр, шул исәптән медицина тикшерүләре өчен финанслау, яңадан карала. Әмма бу акчаларны киметү түгел, ә аларны дөрес итеп бүлү белән бәйле дип аңлатыла.