QR-код аша ташламалар: пенсионерлар өчен яңа мөмкинлекләр

Хәзер кулланучыларга гаризалар статусын яки мөһим хәбәрләрне карау өчен шәхси кабинетка керү кирәкми — барысы да MAX мессенджерындагы «Госуслуги» чат-боты аша мөмкин.

Чат-бот нәрсәләр эшли:

• гаризалар статусын күрсәтә һәм һәр этап турында хәбәр итә;

• табибка язылу турында искәртә;

• штрафлар турында хәбәр итә һәм аларны шунда ук түләргә мөмкинлек бирә.

Шулай ук MAXка курыкмыйча керергә мөмкинлек тудыра, чөнки авторизация вакытында система тикшерү өчен сораулар бирә, бу мошенниклардан сакланырга ярдәм итә.

Хәбәрләрне ничек тоташтырырга:

1. MAXтагы телефон номерының «Госуслуги»дагы номер белән туры килүен тикшерергә.

2. Система раславын көтәргә.

3. Шәхси кабинетта кирәкле хәбәрләрне көйләп куярга.

Тагын бер яңалык — пенсионерның цифрлы QR-коды. Хәзер пенсионерларга үзләре белән кәгазь документлар йөртү кирәкми, чөнки QR-код ярдәмендә алар ташламаларга хокукларын раслый ала.

QR-кодны кайда кулланып була:

• кибетләрдә һәм даруханәләрдә ташламалар алганда;

• музейлар һәм мәдәни чараларга барганда;

• җәмәгать транспортында ташламалы йөрү өчен.

Өстенлекләре:

• код һәрвакыт смартфонда кул астында;

• шәхси мәгълүматлар саклана;

• Россия буенча эшли;

• гадәти документлар да гамәлдә кала.

Хәзер бу сервис «Магнит» кибетләр челтәрендә эшли дә башлады, киләчәктә аны башка ташламалы категорияләр өчен дә киңәйтергә планлаштыралар.

Сервисларга тоташу буенча ярдәмне Россия Социаль фондының клиент хезмәтләрендә алырга мөмкин.