Отпуск «янмаячак»: Дәүләт Думасында балалар авырган очракта ялны озайтырга тәкъдим иттеләр
Ата-аналар үз ялларын балаларны дәвалауга сарыф итмәячәк. Дәүләт Думасына Хезмәт кодексына үзгәрешләр пакеты кертелде. Бу закон проекты нигезендә хезмәткәр үзе авырганда нинди хокукларга ия булса, баласы авырган очракта шундый ук хокукларга дәгъва итә алачак. Инициативаның үзенчәлекләре белән «Российская газета» танышкан.
Хезмәткәрләр өчен нәрсә үзгәрәчәк?
Хәзерге вакытта закон хезмәткәрнең үзен генә яклый: әгәр сез отпуск вакытында авырып китсәгез, ул автомат рәвештә озайтыла. Әмма бала авырса, ата-анага ял көннәрен дарулар һәм градусниклар белән үткәрергә туры килә, һәм бу вакыт өчен бернинди компенсация дә каралмаган.
Яңа закон проектының асылы:
- РФ Хезмәт кодексының 124 нче матдәсенә өстәмә кертеләчәк: әгәр хезмәткәр бала карау буенча больничный рәсмиләштергән булса, отпуск озайтылырга яки башка вакытка күчерелергә тиеш.
- Яшь чиге: бу 15 яшькә кадәрге балалары булган ата-аналарга кагылачак.
- Төп шарт: эшкә яраксызлык кәгазе (листок нетрудоспособности) рәсми рәвештә теркәлгән булырга тиеш.
Мөһим деталь: Әгәр ата-ана больничный рәсмиләштермәсә, отпуск «автомат рәвештә» озайтылмаячак. Эш бирүченең ял көннәрен күчерү бурычы поликлиникадан раслаучы документ булганда гына барлыкка килә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев