Коммуналь хезмәтләргә ташламалар һәм субсидияләр
Россиядә кайбер гражданнар коммуналь хезмәтләр өчен түләгәндә дәүләт ташламаларыннан файдалана ала. Бу хакта Дәүләт Думасы комитеты рәисенең беренче урынбасары Владимир Кошелев хәбәр итте, дип яза ТАСС. Аның сүзләренчә, бу ярдәм федераль дәрәҗәдә расланган һәм бөтен ил буенча гамәлдә.
100% күләмендә тулы компенсацияне Россия һәм СССР Геройлары, шулай ук Хезмәт Геройлары ала. 50% ташлама барлык төркем инвалидларга һәм инвалид балалары булган гаиләләргә, сугыш хәрәкәтләре ветераннарына, махсус хәрби операциядә катнашучыларга, Бөек Ватан сугышы ветераннарына, блокададагы Ленинградта яшәүчеләргә, концлагерь тоткыннарына, Чернобыль АЭСындагы аварияне бетерүдә катнашучыларга һәм аларга тиңләштерелгән гражданнарга каралган.
Күп балалы гаиләләр ким дигәндә 30% ташламага исәп тота ала. Шул ук вакытта төбәкләр бу ярдәмне үз бюджетлары хисабына арттыра ала.
Федераль чаралардан тыш, кайбер төбәкләрдә өстәмә түләүләр һәм ташламалар да кертелә. Аерым регионнарда мондый ярдәм пенсионерларга, социаль өлкә хезмәткәрләренә һәм хезмәт ветераннарына каралган.
Шулай ук ташламага кермәгән, ләкин торак һәм коммуналь хезмәтләргә гаилә кеременең билгеле бер өлешеннән күбрәк түли торган гражданнар да субсидия алырга хокуклы. Уртача алганда бу чик 22% тәшкил итә. Кайбер төбәкләрдә ул түбәнрәк — 15–18%. Әгәр кеше коммуналь хезмәтләр өчен кеременең артык зур өлешен түли икән (уртача 22% тан күбрәк), ул субсидия ала ала. Кайбер төбәкләрдә бу чик 15–18% кына. 2026 елдан исәпләүләр яшәү минимумы буенча яңартылачак.
Чыганак: ТАСС
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев