Пенсия яшенә җитү генә пенсия алу хокукын бирми. Страховка стажы, пенсия коэффициентлары һәм документларның дөреслеге дә исәпкә алына.
Страховка пенсиясе билгеләнсен өчен гражданның тиешле пенсия яшенә җитүе, гариза бирүе, кимендә 15 ел хезмәт стажы һәм 30 пенсия коэффициенты булуы шарт. Бу таләпләрнең берсе үтәлмәсә, пенсия билгеләүдән баш тартырга мөмкиннәр.
Документларда хаталар, дөрес булмаган мәгълүматлар булу яки кайбер гражданнар өчен Россиядә яшәүгә кагылышлы таләпләрне үтәмәү дә сәбәп булырга мөмкин.
Страховка стажы һәм пенсия коэффициентлары җитмәгән очракта, кайбер шартларда аларны ирекле взнослар түләү хисабына арттырырга мөмкин. Стаж һәм ИПК турындагы мәгълүматны «Дәүләт хезмәтләре» порталы яки Социаль фонд аша тикшерергә мөмкин.
"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз
Нет комментариев