Баланы телефон аша күзәтү — гаиләдә гадәти кагыйдә булырга тиеш
«ЛизаАлерт» җитәкчесе Григорий Сергеев фикеренчә, ата-аналар бала кайда булуын телефон аша күзәтүне гадәти практика итеп кабул итәргә тиеш, бу тоталь контроль түгел, ә иминлек өчен кирәкле чара.
Баланы мобиль телефон аша күзәтеп тору гаиләдә гадәти кагыйдә булырга тиеш. Бу хакта «ЛизаАлерт» эзләү-коткару отряды җитәкчесе Григорий Сергеев ТАССта узган матбугат конференциясендә әйтте. Чара Балаларны яклау көненә һәм җәйге каникуллар вакытында балалар иминлегенә багышланган иде.
Аныңча, төп кагыйдә — ата-аналар баланың кайда булуын, кая баруын һәм кайчан кайтуын белергә тиеш. Моның өчен гаиләдә иң элек ышанычлы мөнәсәбәтләр булдырырга кирәк. Шулай ук баланың кулында һәрвакыт эшли торган телефон булуы мөһим. Шул очракта аның кайда икәнен шәһәрдә дә, аннан читтә дә күзәтеп була. Сергеев әйтүенчә, бу тоталь контроль түгел. Бу — бары тик куркынычсызлыкны тәэмин итү өчен кирәкле гади кагыйдә.
Ул шулай ук үз гаиләсендә моның ике яклы эшләвен әйтте — ата-аналар баланың кайдалыгын күрә, ә бала да ата-анасының кайда икәнен белә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев