Тәнзилә Шәяхмәтованы 50 яшьлек юбилее белән Сәйдәшев исемендәге авыл хуҗалыгы предприятиесе хезмәт коллективы котлый!

Сәйдәшев исемендәге авыл хуҗалыгы предприятиесе хезмәт коллективы терлекчелектә хезмәт куючы Тәнзилә Илгизәр кызы Шәяхмәтованы 50 яшьлек юбилее белән котлый. 

Хөрмәтле Тәнзилә Илгизәровна! Гомерегез мактаулы хезмәт юлы белән үрелгән, тормышыгыз да сокланырлык. Ничәмә-ничә еллар авыл хуҗалыгындагы иң авыр тармак – терлекчелектә эшләп, ил табынын баетуга, хуҗалыгыбызны, авылыбызны үстерүгә лаеклы өлеш кертәсез. Хезмәтегезне намус белән, булсын дип башкарасыз, вакытыгызны, көчегезне кызганмый эшли беләсез.
Киләчәктә дә исән-сау булыгыз, аяк-кулларыгыз сызламасын, балаларыгызның, оныкларыгызның бәхетенә куанып, тормыш иптәшегез белән тигезлектә гомер кичерегез, рух күтәренкелеге белән яшәгез. Озын гомер, бәхет-шатлыклар телибез Сезгә. Бәрәкәттә, муллыкта гомер итәргә язсын. Йөзегездә бәхет чаткылары сүнмәсен, уй-хыялларыгыз матур, туар таңнарыгыз тыныч булсын. Рәхмәтләргә һәм рәхәтләргә төренеп яшәгез. 

Җан рәхәте бирсен Ходай Сезгә,
Тән сихәте бирсен гомергә.
Насыйп булсын әле озак еллар
Кунак булыр җирдә йөрергә.