Рушания Сафинаны юбилее белән Түбән Суыксу урта мәктәбе коллективы котлый!

Район мәгариф идарәсе, профсоюз оешмасы, Түбән Суыксу урта мәктәбе хезмәт коллективы башлангыч сыйныфлар укытучысы Рушания Ривкать кызы Сафинаны 55 яшьлек юбилее белән котлый.

Хөрмәтле Рушания Ривкатовна! Сезгә теләкләрнең иң изгесен, иң сафын юллыйбыз. Төгәллек, гаделлек, сабырлык, җаваплылык сорый торган укытучы хезмәтен бөтен күңелегезне, йөрәк җылыгызны биреп башкарасыз. Мәктәбебездә 20 елга якын башлангыч сыйныфлар укытасыз, сабыйлар күңеленең һәрберсенә үтеп керә, алар дөньясы белән яши беләсез. Коллективта да, ата-аналар, авылдашлар алдында да абруегыз зурдан. 
Гомер бәйрәмегез белән котлап, үзегезгә һәм якыннарыгызга бәрәкәтле имин тормыш, рух ныклыгы, уңышлар, җан тынычлыгы телибез. Балаларыгызның, оныкларыгызның күңел җылысын тоеп, игелекләрен күреп, уңышларына куанып, бәхетле озын гомер кичерергә язсын. Тормышыгыз матур, өстәлләрегез һәрвакыт тулы һәм түгәрәк булсын.