Розалия Тимергалинаны 55 яшьлек юбилее белән Түбән Суыксу урта мәктәбе хезмәт коллективы котлый!

Район мәгариф идарәсе, профсоюз оешмасы, Түбән Суыксу урта мәктәбе хезмәт коллективы хуҗалык эшләре буенча директор урынбасары булып эшләүче Розалия Мәхмүт кызы Тимергалинаны 55 яшьлек күркәм юбилее белән котлый.

Хөрмәтле Розалия Мәхмүтовна! Туган көнегез белән котлап, иң изге, якты, матур теләкләребезне юллыйбыз. Сезнең гомер намуслы хезмәттә үтә. Сайлаган кыйблагызга, һөнәрегезгә тугры булып хезмәт куясыз. Үз эшегезне яратып, намуслы башкарасыз. Коллективта да, балалар арасында да ихтирам яуладыгыз. 
Гаиләгез дә матур, йортыгыз кунакчыл. Киләчәктә дә бәрәкәттә, муллыкта гомер итәргә язсын. Йөзегездә бәхет чаткылары сүнмәсен, туар таңнарыгыз тыныч булсын. Сезгә киләчәктә дә бәхетле озын гомер, саулык-сәламәтлек, җан тынычлыгы телибез. Тигезлектә, муллыкта тормыш иптәшегез белән бергә-бергә балалар бәхетенә төренеп, оныклар игелеге күреп яшәгез. Гомерегез озын, тыныч, кайгы-хәсрәтсез булсын. Киң күңелегез мәңге картаюны белмәсен, киләчәктә дә рухи күтәренкелек юлдаш булсын. Тормыштан ямь табып, ләззәт алып, гел елмаеп яшәгез. 

Котлы булсын бәйрәмегез,
Тыныч булсын күңелегез,
Шатлык-сөенечләр белән
Тулы булсын гомерегез!
Гамьле еллар, ямьле көннәр
Телибез чын йөрәктән!
Һич кичекми чынга ашсын
Безнең күркәм теләкләр!