Миләүшә Фәрдиеваны юбилее белән Тажетдиновлар һәм Сөендековлар гаиләләре котлый!

Авылыбызның шәфкать иясе Миләүшә Хәйдәр кызы Фәрдиеваны алтын юбилее белән тәбрик итәбез. 

Хөрмәтле Миләүшә ханым! Сез бәхетне хезмәттә тапкан, гомерегезне кешеләрнең сәламәтлеген саклауга багышлаган тырыш затларның берсе. Кыска вакыт эчендә Куады авылы халкы арасында ихтирам һәм хөрмәт яуладыгыз. Бүген Сез ярдәмгә ашыгып торучы ышанычлы кешебез. 
Киләчәктә дә кешеләр арасында абруйлы, якыннарыгызга, туганнарыгызга кирәк булып яшәргә язсын. Хезмәтегезнең хөрмәтен күрергә насыйп булсын. Сезгә чын күңелдән саулык, бала куанычы, озын гомер телибез. Йөзегездә бәхет чаткылары сүнмәсен, уй-хыялларыгыз матур, туар таңнарыгыз тыныч булсын.

Иң изге теләкләр белән Фатыйма Тажетдинова гаиләсе. Бу теләкләргә Сөендековлар гаиләсе дә кушыла.