Миләүшә Фәрдиеваны 50 яшьлек юбилее белән Флер Ихсанов котлый!

Куады авылы фельдшеры Миләүшә Хәйдәр кызы Фәрдиеваны 50 яшьлек юбилее белән ихлас күңелдән котлыйбыз, иң матур теләкләребезне юллыйбыз. 

Хөрмәтле Миләүшә Хәйдәровна! Сәламәтлекне бернинди байлык белән дә чагыштырып булмый, ул бәхет һәм тулы кыйммәтле тормышның нигезе булып тора. Шуңа да сезнең хезмәтегез кешеләр өчен кирәк һәм һәрвакыт ихтирамга лаек. Сез куадылыларны шифалы кулларыгыз, җылы сүзләрегез, миһербанлылыгыз белән дә дәвалыйсыз. Кайчан мөрәҗәгать итсәк тә, ярдәмгә ашыгырга әзер шәфкать иясе Сез. Алай гына да түгел, авылның җәмәгать тормышында актив катнашасыз, оештыру сәләтегез сокланырлык, куадылыларны туплап, җыйнап торасыз. Гомумән, тормыш яратучы, позитив, һәр нәрсәдә матурлык күрә белүче кеше Сез.
Барысы өчен дә зур рәхмәт әйтәбез. Киләчәктә дә сау-сәламәт булып, халыкны куандырып, Куадыда озак еллар хезмәт итәргә язсын Сезгә!

Ихтирам белән Түбән Суыксу авыл җирлеге депутатлары исеменнән җирлек башлыгы Флер Ихсанов.