КОТЛЫЙБЫЗ!

С. Сәйдәшев исемендәге авыл хуҗалыгы предприятиясе хезмәт коллективы озак еллар механизатор булып эшләүче, Иске Абдулда гомер итүче Ринат Фәрит улы Габидуллинны 50 яшьлек юбилее белән котлап, изге теләкләрен юллый. 
Хөрмәтле Ринат Фәритович! Сез олы тырышлык, төгәллек, җаваплылык сорый торган хезмәтегезне бөтен күңелегезне биреп башкарасыз. Күп еллар буе район авыл хуҗалыгы алдынгылар рәтендә торасыз. Барысы өчен дә зур рәхмәтебезне белдерәбез Сезгә!
Гомер бәйрәмегез белән котлап, үзегезгә һәм якыннарыгызга бәрәкәтле имин тормыш, күңел тынычлыгы телибез. Якыннарыгызның җылысын тоеп, игелекләрен күреп, уңышларына куанып, бәхетле озын гомер кичерергә язсын. Туачак таңнарыгыз һәрвакыт нурлы, аяз булсын. Уңган-булган йорт хуҗасы, кадерле ир, яраткан әти, киләчәктә сөекле бабай булып, бәхетле яшәгез. Тормышыгыз матур, өстәлләрегез һәрвакыт тулы һәм түгәрәк булсын. 
Озын гомер бирсен Ходай,
Тыныч булсын һәрчак җаннарың.
Кочак-кочак шатлык-куанычлар
Алып килсен туар таңнарың.