Хөрмәтле Нәсия апа! Юбилеең котлы булсын!

Сарман районы Саклаубаш авылында туган, бүген Казаклар авылында яшәүче туганыбыз Нәсия апа Гаптрәвеф кызы Гарипованың 15 декабрьдә 70 яшьлек юбилее. Аны күркәм бәйрәме белән чын күңелебездән тәбрик итәбез. 
Хөрмәтле Нәсия апа! Гомер бәйрәмегездә бездән иң изге, иң якты, иң матур теләкләребезне кабул итеп алсагыз иде. Сез гомерегезне тынгысыз, җаваплы эшкә багышлап, 38 ел Казаклар авылы мәдәният йорты директоры булып эшләдегез. Хезмәтегезне яратып, җиренә җиткереп башкарып, олы ихтирамга ирештегез. Күпсанлы мактау грамоталары, ТР Мәдәният министрлыгының Рәхмәт хаты белән бүләкләндегез. Тырыш, сабыр, гади, кешелекле булганга авылдашлар арасында да абруегыз зурдан булды. 
Гаиләгездә дә Сез уңган хуҗабикә, балаларыгызга кадерле әни, оныклар һәм оныкчыкларыгызга әби, дәү әни, иптәшегезгә ышанычлы тормыш юлдашы, якыннарыгызның хөрмәтле туганы. Рафис абый белән иңгә-иң куеп, хәләл көч белән матур тормыш корып, ике бала үстереп, аларны олы тормыш юлына чыгардыгыз. Һәрвакыт тормыштан, хезмәттән ямь һәм тәм табып яшисез. 
Киләчәктә дә сау-сәламәт булып яшәргә язсын, балалар һәм оныкларыгызның кадер-хөрмәтен күреп, тигезлектә гомер итәргә насыйп булсын, яхшылыкларыгыз үзегезгә меңе белән кайтсын. Тормыш юлыгыз бәрәкәтле, бәхет-шатлыклы, озын булсын. 
Намус белән яшәгәнгә күрә
Лаек бит Сез олы хөрмәткә.
Саулык, муллык, бәхет тулы тормыш – 
Без калабыз шушы теләктә.

Ихтирам белән Зөлфәт һәм Резидә. Безнең теләкләргә балалар, оныклар да кушыла.