Айрат Тәхәвиевны һәм Лилия Якупованы юбилейлары белән туганнары котлый!

Сәмәкәй авылында туып-үскән, хәзер Чаллыда яшәүче улыбыз Айрат Хәлим улы Тәхәвиев һәм Биклән авылында яшәүче кызыбыз Лилия Хәлим кызы Якупова быел юбилейларын билгеләп үттеләр. Айратка 50 яшь, Лилиягә 45 яшь тулды. Балаларыбызны гомер бәйрәмнәре белән чын күңелдән котлыйбыз. 

Ата-ана өчен балалар бәхетеннән дә кыйммәтрәк нәрсә юктыр, мөгаен. Чөнки безнең өчен алар иң зур байлык, иң зур сөенеч, аларның тормышта үз юлларын табып, исән-имин яшәүләре иң олы бәхет. Аллага шөкер, балаларыбыз матур гомер итәләр, оныкларыбыз әби-бабай дип өзелеп торалар.
Айрат район эчке эшләр бүлегендә хезмәт куеп лаеклы ялга чыкты. Бүген дә хезмәттән туктап торганы юк. Киленебез белән игелекле балалар үстерделәр. Кызыбыз Лилия озак еллар Биклән мәктәбендә татар теле һәм әдәбияты укыта. Киявебез белән ике балаларына матур тәрбия бирәләр.
Кадерлеләребез! Сезгә бездән иң изге теләкләр! Тормышларыгыз гел шулай матур булсын, пар канатлар булып, балаларыгызның куанычларын, игелекләрен күреп, безгә олы терәк булып яшәгез. Матур мөнәсәбәтләр беркайчан да югалмасын, киләчәктә дә шундый сөйкемле, кече күңелле, җылы куллы, йомшак телле, туган җанлыклы булып калыгыз. Сезгә ныклы сәламәтлек, шатлыклар, эшләрегездә уңышлар телибез. Бәхетле булыгыз, һәр туар көнгә куанып гомер кичерегез.

Котлы булсын туган көнегез,
Күңелегездә өмет сүнмәсен.
Бәхетле булыгыз! Сезнең бәхеткә
Беркайчан да күзләр тимәсен.
Күңелегез булсын һәрчак тыныч, 
Читләп үтсен сагыш борчулар.
Ныклы сәламәтлек юлдаш булсын –
Аннан кадерлерәк нәрсә бар?!

Сезне яратып, әтиегез Хәлим, әниегез Рәмзия һәм барлык туганнар.