Альфира Галиеваны 70 яшьлек юбилее белән Теләнче Тамак урта мәктәбе хезмәт коллективы котлый!

Район мәгариф идарәсе, профсоюз оешмасы, Теләнче Тамак урта мәктәбе хезмәт коллективы озак еллар китапханәче булып эшләгән, бүген лаеклы ялдагы хезмәткәребез Альфира Мәхмүт кызы Галиеваны 70 яшьлек юбилее белән тәбрик итә.

Хөрмәтле Альфира Мәхмүтовна! Сезнең гомер намуслы хезмәттә үткән. Мәктәбебезгә килгән көннән бирле сайлаган кыйблагызга, һөнәрегезгә тугры булып хезмәт куйдыгыз. Сабырлык, күркәм холык, тирән белем, коллегаларыгыз, укучылар белән уртак тел таба, бала күңелен, аның самими дөньясын аңлый белү сәләте – болар барысы да сезне бизәүче сыйфатлар.
Юбилеегыз котлы, мөбарәк булсын. Моннан соңгы гомер юлыгызда да парлы гаилә, бәхетле әни, сөекле әби булып, һәр туар көнгә куанып, бәхеттә, муллыкта яшәгез. Якыннарыгыз, туганнарыгыз һәм дусларыгызның кадер-хөрмәтен тоеп, озын гомер итегез.

Язмышыгыз матур бер җыр сыман,
Исәнлекләр Сезгә телибез.
Ак бәхетләр, зур шатлыклар гына
Алып килсен туган көнегез.