55 яшьлек юбилее котлы булсын!

Район мәгариф идарәсе, профсоюз комитеты, Иске Абдул урта мәктәбе хезмәт коллективы рус теле һәм әдәбияте укытучысы Анна Егоровна Хөснетдинованы 55 яшьлек юбилее белән котлый.
Хөрмәтле Анна Егоровна! Сезгә күркәм гомер бәйрәмегездә теләкләрнең иң изгесен юллыйбыз. Сез һәрвакыт якты йөзле, ачык күңелле. Төгәллек, гаделлек, сабырлык, җаваплылык сорый торган укытучы хезмәтен 30 елдан артык бөтен күңелегезне, йөрәк җылыгызны биреп башкарасыз. Сабыйлар күңеленең һәрберсенә үтеп керә, алар дөньясы белән яши беләсез. Коллективта да, ата-аналар, авылдашлар алдында абруегыз зурдан.  
Гомер бәйрәмегез белән котлап, үзегезгә һәм якыннарыгызга бәрәкәтле имин тормыш, уңышлар, җан тынычлыгы телибез. Якыннарыгызның күңел җылысын тоеп, игелекләрен күреп, бәхетле озын гомер кичерегез. Тормышыгыз матур, өстәлләрегез һәрвакыт тулы һәм түгәрәк булсын.
 Котлы булсын бәйрәмегез,
Тыныч булсын күңелегез,
Шатлык-сөенечләр белән
Тулы булсын гомерегез!