ГТО нормативларын тапшырдылар

Комиссия әгъзалары график буенча авыл җирлекләренә чыгып, ГТО күрсәткечләрен бирүчеләрне тикшерә. Күптән түгел Комсомол һәм Князево авыл җирлекләрендә торучылар нормативларны тапшырды. Өченче февральдә исә комиссия Круглое Поле поселогына барыр дип көтелә. Аннан соң, дүртенче февраль көнне, Түбән Суыксу авылының «Алга» спорткомплексында ГТО бөтенроссия физкультура-спорт комплексының кышкы фестивале узачак. Фестивальдә катнашырга теләүчеләрнең яше чикләнмәгән, тик иң элек gto.ru сайтында теркәлеп, уналты саннан торган шәхси номер алырга кирәк.