Караңгыда өч җәяүлене бәрдерделәр

автор, 12 февраль 2016 - 09:00

780

Февраль аенда район территориясендә ике көн рәттән җәяүлеләрне бәрдерү очраклары теркәлде. Беренчесе Яр Чаллы - «Дубки» ял базасы юлында булды. Төнге сәгать 2дә «Хундай Акцент» автомобилен йөртүче 43 яшьлек ир-ат яктыртылмаган урында юл кырыенда басып торган җәяүлене күрми. Бәхетсезлегенә, юлчы яктылык кайтаргыч элементлар кергән киемнәрдән дә булмый. Яр Чаллыда яшәүче...

Икенче һәлакәт шулай ук тәүлекнең караңгы вакытында - кичке сәгать 6да Яр Чаллы - Түбән Кама - Иштирәк трассасында теркәлә. Бу юлы «ВАЗ-21093» автомобилен йөртүче егет юл буйлап барган ике пенсионер хатын-кызны бәрдерә. Бу очракта һәлакәт килеп чыгуга машина йөртүченең тизлекне тиешледән арттыруы да, пенсионерларның кагыйдәне үтәмичә юлдан баруы да сәбәп була. Иштирәктә яшәүче пенсионерларның берсе бот сөяге сынып БСМПга җибәрелә, дип хәбәр итәләр район буенча ЮХИДИ бүлегеннән.