Ватанга хезмәт итү – изге эш

Калмаш мәктәбендә «Ватанга хезмәт итү – изге эш» дигән парламент дәресе узды. Ул Ватанны саклаучылар елына һәм Бөек Ватан сугышында Җиңүнең 80 еллыгына багышланды. Дәрес ТР Дәүләт Советы депутаты Марат Бариев катнашында оештырылды, ул чараның төп спикеры булды.

Дәрестә шулай ук социаль мәсьәләләр буенча Башкарма комитет җитәкчесе урынбасары Юрий Васильев һәм Калмаш авыл җирлеге башлыгы Фердинат Шәвәлиев катнашты. Дәрес кысаларында Марат Бариев укучылар белән Ватанга хезмәт итүнең мөһимлеге турында фикер алышты, каһарманлык кылган һәм югары бүләкләргә лаек булган кешеләр турында мисаллар китерде.

Спикер шулай ук балаларга МХОда катнашучыларга балалар язган хатлар нинди мораль ярдәм күрсәтүе турында сөйләде һәм  ватанпәрвәрлекнең әһәмиятен, үткәнне истә тоту кирәклеген билгеләп үтте. Чараны тәмамлап, Марат Бариев 9 нчы сыйныф укучысы Дамил Сәлахетдиновның активлыгы өчен истәлекле бүләк тапшырды.