Валерий Чулаковка хөкем чыгардылар

Яр Чаллыда суд 64 яшьлек бизнесмен Валерий Чулаковка хөкем карары чыгарды, аны җир белән эре мошенниклыкта гаепле дип таныды. Ул 2,5 елга гомуми режимлы колониягә хөкем ителгән.

Татарстан прокуратурасы хәбәр иткәнчә, 2023 елның октябреннән 2024 елның февраленә кадәр ул  Тукай районында җир кишәрлекләрен алмашу схемасын уздырган. Ул муниципалитетка үзенең 25 кишәрлеген 5 кыйммәтлерәк муниципаль кишәрлеккә алмаштырырга тәкъдим иткән.

Бу вакытта Чулаков җирләренең җитди чикләүләре була: аларда торак төзергә ярамый, шуның аркасында аларның реаль бәясе киметелә. Моны яшерү һәм ясалма рәвештә бәяне арттыру өчен, ул әлеге чикләүләрне исәпкә алмыйча бәя үткәргән.

Бу афера нәтиҗәсендә Тукай районына 62 миллион сумнан артык зыян китерелгән. Кыйммәтле участокларга милек хокукы рәсмиләштерелгән.

Чыганак: Татар-информ

ФОТО: Татарстан прокуратурасы